*خولی هاوینەی هاوڕێیانی مناڵەکەم*.
کاتێک خۆشەویستیی دایکێک دەبێتە ماڵێک بۆ هەموو منداڵان!
لە شاری هەڵەبجە، مامۆستا شادان (دایکی منداڵێکی ئازیزمان کە تووشبووی داون سیندرۆمە) ماڵەکەی خۆی کردووەتە قوتابخانەیەکی بچووک
ئامانجی ئەم خولە تەنها فێرکردن نییە، بەڵکو دروستکردنی هاوڕێیەتی و تێکەڵکردنی منداڵانی خاوەن پێداویستی تایبەتە لەگەڵ منداڵانی دراوسێ و گەڕەکەکەیاندا، تاوەکو لە تەمەنێکی بچووکەوە فێری یەکسانی و خۆشەویستی بن. ✨
دەستپێشخەرییەک کە ڕێکخراوەکەمانی هێنایە مەیدان:
ئێمە لە ڕێکخراوی کەمئەندامانی هەڵەبجە، بە شانازییەوە بووینەتە سپۆنسەری فەرمیی ئەم خولە بەخۆڕاییە. تیمی پسپۆڕ و ڕێنماییکارانی ڕێکخراوەکەمان ڕۆژانە و هەفتانە لەسەر هێڵن بۆ پێشکەشکردنی نوێترین ڕێکارەکانی پەروەردەکردن و وانەی تایبەتمەند.
لە خولەکەدا منداڵان چی فێردەبن؟
خوێندنەوە، نووسین و چیرۆکخوێندنەوە
وێنەکێشان، چنین و کارە دەستییەکان
⏳ ڕێکخستنی کات و دوورکەوتنەوە لە شاشەی مۆبایل و ئایپاد
هۆشیاریی ژینگەیی و کۆکردنەوەی پلاستیک بۆ پاراستنی شاری هەڵەبجە.
#دایکایەتی#خاوەن_پێداویستی_تایبەت
#داون_سیندرۆم#کەمئەندامانی_هەڵەبجە
#کۆمەڵگەی_بێ_جیاکاری#خولی_هاوینە#پەروەردەی_ئەرێنی
.
