تاوتوێکردنی ١٠ ساڵەی کارکردنی هاوبەش لە بواری پەروەردەی گشتگیر
تاوتوێکردنی ١٠ ساڵەی کارکردنی هاوبەش لە بواری پەروەردەی گشتگیر
ڕۆژی پێنج شەممە ٢٠٢٥/٩/٢٥
لەسەردانێکی فەرمیدا ستافی ڕێکخراوی کەمئەندامانی هەڵەبجە بەهاوبەشی ستافی فیدای نێودەوڵەتی سەردانی بەڕێوەبەرایەتی گشتی پەروەردەی هەڵەبجەیان کرد و لەلایەن بەڕێز مامۆستا(سۆران عومەر مصطفى) بەڕێوبەری گشتی پەروەردەی هەڵەبجەوە بەگەرمی پێشوازیان لێکرا.
ئامانج لە سەردانەکە دەربڕینی سوپاس و پێزانین بوو بۆ پشتیوانی و هاوکارییە بەردەوامەکانی بەڕێوەبەرایەتی گشتی پەروەردەی هەڵەبجە وەهەروەها وەرگرتنی سوپاس و پێزانین لەلایەن بەڕێز بەڕێوەبەری گشتی پەروەردەی هەڵەبجەی شەهید لەپای خزمەتە بەردەوامەکانی هەردوو ڕێکخراو.لە بواری پەروەردەی گشتگیر لەچوارچێوەی پڕۆژەی (پەروەردەی گشتگیر و ژینگەیەکی ئاشتیخوازانە).
لای خۆیەوە بەڕێز مامۆستا(سۆران عمر مصطفى) سوپاسی هەردوو ڕێکخراوی ناوبراوی کرد و ڕایگەیان لە دە(١٠)ساڵی ڕابردوودا خزمەتی گرنگ و بەرچاویان لەپارێزگای هەڵەبجە بە پڕۆسەی پەروەردەی و فێرکردن کردووە ، بەو بۆنەشەوە خەڵاتی وەفا و پێزانینی پێشکەش بە ڕێکخراوی (FIDA) فیدا کرد.
جێی ئاماژەپێدانە ڕێکخراوی کەمئەندامانی هەڵەبجە بەهاوبەشی ڕێکخراوی فیدای نێودەوڵەتی لەساڵی (٢٠١٦)ەوە لە بواری پەروەردەی گشتگیر و فێرکردن لە پارێزگای هەڵەبجە خزمەت ئەکەن بەپاڵپشتی بەردەوامی بەڕێوەبەرایەتی گشتی پەروەردەی هەڵەبجە .
لەکۆتایدا ڕێکخراوی کەمئەندامانی هەڵەبجە سوپاس و پێزانینی خۆی ئاراستەی سەرجەم بەڕێوبەران ، سەرپەرشتیاران ، مامۆستایان و دایبابان دەکات لەپای بەدەمەوەهاتنیان لە پڕۆژەکەدا.
.
کاتى بڵاوکردنەوە 11-02-2026
