بەشداریکردن

 

نوێنەری ڕێکخراوی کەمئەندامانی هەڵەبجە بەشداربوو لە کۆبوونەوەی دیوانی وەزارەت بە ئامادەبوونی بەرێز زەکیە سید صالح بریکاری وەزارەت

لە کۆبوونەوەکە تیشک خرایە سەر تەوەرە سەرەکیەکانی جێگیرکردنی ستراتیژی کەمئەندامان و خاوەن پێداویستی تایبەت و کورتەباڵاکان، کە بریتی بوون لە تەوەرەکانی تەندروستی و پێکهاتەی کۆمەڵایەتی و تەوەری بە تواناکردن و پەروەردەو فێرکردن و هەڵی کارو یاسادانان و سیاسەتەکان و تەوەری هۆشیاری و دەستڕاگەیشتن بە ژێرخان و خزمەتگوزارییەکان.....هتد، ئەمە جگە لەوەی کە باس لە میتۆدۆلۆژیای ئامادەکردن و پلانی ستراتیژی کە خۆی لە " دیراسەکردنی کەیس و پلاندانان و جێبەجێکردن و بەدواداچوون و شێوازی شیکاری بەکارهێنراو" دەبینێتەوە،

دواتر جەختکرایەوە له هەماهەنگی نێوان وەزارەته پەیوەندارەکان بۆ ڕێکارەکانی نوسینەوەی ڕەشنووسی ستراتیژییەکەو ئەنجامدانی کۆبوونەوەی ترو ۆرکشۆپ و بۆچوونی ڕێکخراوەکانی کەمئەندامان و کورتەباڵاکان کرایەوە...

پاشان بریکاری وەزارەتی کارو کاروباری کۆمەڵایەتی لە کۆنگرەیەکی ڕۆژنامەنوسیدا ژمارە حسابی ٤٧٢ راگەیاند کە سندوقێکە بۆ هاوکاری کەم ئەندامان و خاوەن پێداویستی تایبەت دامەزراوە.