بەشداریکردن

بەشداری کردن

بەشداریی ستافی ڕێکخراوەکەمان لە وۆرکشۆپی Compliance & Support Systems لە شاری هەولێر، بەشێکە لە پلانی درێژخایەنی ڕێکخراوەکەمان بۆ گۆڕان بەرەو کارێکی دامەزراوەیی پێشکەوتوو.

​لە ماوەی ئەو سێ ڕۆژەدا (٢-٤ی شوبات)، تیمەکەمان لەگەڵ پسپۆڕانی بواری گەشەپێدان گفتوگۆیان کرد دەربارەی گرنگی سیستەمی چاودێری و پابەندی، کە چۆن ئەم سیستەمانە دەبنە هۆی پاراستنی مافی سوودمەندبووان و بەرزکردنەوەی متمانەی کۆمەڵگە و بەخشەران بە کارەکانمان.

​وەک یەکێک لە ڕێکخراوەکانی ناو پلاتفۆرمی LocalSPACE، ئێمە پابەندین بەوەی کە تەنها کار نەکەین، بەڵکو بە "دروستی" و بە "ستانداردی بەرز" کار بکەین. ئەم فێربوونە بەردەوامە هێزێکی زیاتر دەداتە تیمەکەمان تا لە داهاتوودا پڕۆژەی گەورەتر ئەنجام بدەین.