بەرەو ژینگەیەکی فێرکاری گشتگیر بۆ هەمووان

بەرەو ژینگەیەکی فێرکاری گشتگیر بۆ هەمووان

​لە چوارچێوەی پڕۆژەی (MYRP) - بەرنامەی چاکبوونەوەی چەند ساڵە لە عێراق، ڕێکخراوی کەمئەندامانی هەڵەبجە بە پاڵپشتی ڕێکخراوی منداڵپارێزی جیهانی (Save the Children)، خولێکی هۆشیاری و ڕاهێنانی دەربارەی چەمکی "پەروەردەی گشتگیر" بۆ مامۆستایانی قوتابخانەی هاواری بنەڕەتی لە شاری هەولێر ئەنجامدا.

​تەوەرە سەرەکییەکانی دانیشتنەکە:

ئاشناکردنی مامۆستایان بە فەلسەفەی پەروەردەی گشتگیر و گرنگییەکەی لە پڕۆسەی خوێندندا.

خستنەڕووی ئەو هۆکار و کارئاسانییانەی کە ژینگەی قوتابخانە بۆ هەموو قوتابیان بە بێ جیاوازی دەگونجێنن.

گفتوگۆکردن لەسەر میکانیزمەکانی گۆڕینی قوتابخانە بەرەو سیستمێکی گشتگیر کە مافی خوێندن بۆ هەمووان دەستەبەر بکات.

​جێگەی دەستخۆشییە کە مامۆستایانی بەشداربوو بە پەرۆشی و خۆشحاڵی مەزنەوە بڕوانە بابەتەکە و جەختیان لە کاراکردنی ئەو هۆکارانە کردەوە کە قوتابخانەکەیان بەرەو ئاستێکی مرۆیی و زانستی بەرزتر دەبات.

​هەنگاوەکانمان بەردەوامن بۆ بونیادنانی کۆمەڵگەیەکی هۆشیار و پەروەردەیەکی یەکسان.

ئەم چالاکیە بەشێکە لە پڕۆژەی #چاکبونەوەی_چەندساڵەی کە پاڵپشتی دەکرێت لەلایەن ڕێکخراوی منداڵپارێزی جیهانی ەوە